ما هي وظيفة CSS

المفروض ان لغة ال CSS هي المسئولة عن عمل style لعناصر ال HTML بمعنى انها مسؤولة عن تغيير حجم ولون ومكان العناصر.....الخ

ولكن الوظيفة الرئيسية (من وجهه نظري) هي ان تجعل جميع الزوار يمكنهم الوصل الى الموقع بدون أي مشاكل. ومعنى جميع الزوار يعنى توقع ان زائر الموقع يكون:

  • 1 يتصفح الموقع من الكمبيوتر الشخصي او الموبايل (جميع احجام الشاشات)
  • 2 شخص يستخدم الكيبورد فقط وذلك لسببين :
    • مفكر نفسه كده هيكون هاكر يعنى 😂 او بيتعود انه يكتب بسرعة على الكيبورد
    • لأنه يعاني من الام المفاصل في اليد
  • 3 شخص لديه عمى ألوان
  • 4 شخص لديه مشكلة في النظر وبالتالي بيعمل zoom 400% مثلا اثناء تصفح الموقع
  • 5 شخص لديه عمى كلى او جزئي وبالتالي يستخدم screen reader حتى يتمكن من التعامل مع المواقع الالكترونية. واكيد انت مستغرب من الجزء دا. صح؟؟ مش مقتنع صح؟ طب اتفرج كده على الفيديو ده
  • 6 وعشان خاطري 😊 خلي الموقع بتاعك يكون فيه خاصية الوضع الليلي ( dark mode ) لأن كثير من المُستخدمين وانا واحد منهم يُفضل هذا الوضع لأنة مُريح اكثر للعين ويحافظ على عدم إجهاد العين

و المفروض بقا ان كل الأشخاص دول يتصفحوا الموقع بسهولة.

ودا بقا يا صاحبي الفرق بين المبرمج المحترف والمبرمج الى بيشتغل على قد فلوس الشركة 😂

وعلى فكره؛ في الشركات المحترمة زي جوجل كده فيه فريق كامل مُهمته التأكد من ان الموقع يُمكن لأي شخص تصفحه بسهولة (Accessibility team)

مين المسئول عن تطوير لغة ال CSS؟

W3C Working Group هم المسؤولين عن تطوير وتحديث ال CSS والموقع الرسمي هو w3.org

ما هي إصدارات ال css؟

زمااان كان فيه css1 وبعد كده تطورت الى css2 وبعد كده ال CSS انقسمت الى مواضيع منفصلة عشان مش كل شوية ينزل اصدار جديد ويقرفونا احنا 😂

يعنى مثلا في موضوع اسمه Media Queries في ال CSS الموضوع ده بس نزل له 5 تحديثات وبالتالي الجزء ده اصبح Media Queries Level 5 .. هل معنى كده ان كده ال css2 أصبحت css5 ؟.. لأ طبعا المصدر

طالما ال CSS انقسمت الى مواضيع صغيره امال ما هي ال css3؟!

المبرمجين ريحوا دماغهم وقالوا ان أي حاجة بعد ال css2 اسمها css3 وشكرا 🙃

الموقع الرسمي ل CSS واخر نسخة مستقرة من اكواد ال CSS

هنا تجد اخر تحديثات ال CSS اخر اصدار ولكن عشان أكون صريح معاك مفيش حد يتعلم من الموقع الرسمي بتاع ال CSS لإنه غير منظم وصعب التعلم منه ولكن موقع مثل w3schools.com و موقع developer.mozilla.org من الموقع الأساسية للتعلم لغات الويب مثل ال CSS


😡
انت مشغل الـ AdBlock !!

ياريت تقفله لوسمحت 😊 😊

تنبيه هام ✋

إذا كانت الإعلانات مزعجة بالنسبة لك، فيُمكنك التبرع ب50$ وسيتم إيقاف الإعلانات لمدة شهر لجميع زوار الموقع 🧡 ويُمكنك التواصل معنا عن طريق صفحة الفيس بوك